Otsailaren 28an Gaixotasun Arraroen Munduko Eguna izan zen. Astean zehar, FEDER-ek antolatutako hainbat ekitaldi egon ziren, eta guk ere horietako batzuetan parte hartu genuen.

Asteartean (Bilboko udaletxean) eta asteazkenean (Donostian) prentsaurrekoak izan genituen. Bi agerralditan Jone Landaluze joan zen Baleuko ordezkatuz. Bilbokoan, Osasun eta Kontsumoko zinegotzia den Mariano Gómez, Sara Iglesias (gaixotasun arraroa pairatzen duten bi mutikoren ama), eta EAEko FEDER-en ordezkari Juana Sáenz izan zituen lagun.

Donostian, ordea, Jon Albizu Gizarte Ongizate, Kooperazio eta mugimendu zinegotziak eta Ander Rodríguez Gizarte Politiketako diputatuak aurkeztu zuten ekitaldia, Juana Mª Saenz FEDER ordezkari, Elisa Alvarez diagnostiko gabeko ordezkaria eta Jone Landaluzerekin batera.

Ekimen nagusia otsailaren 28an izan zen, Bilboko Alhondigan. Goizean zehar, gaian jakitunak diren hainbat adituk hitzaldiak eman zituzten, eta gu ere bertan izan ginen gure pelikula berria aurkeztuz eta gai sozialen inguruan Baleukok egin duen ibilbidea azalduz.

Prentsan ere eduki dute lekutxo bat ekitaldi hauek:

IRUTXULO, GAUR DONOSTIA, DEIA, EL PAÍS eta ABC.

Eta, FEDEReri buruz gehiago jakin nahi izanez gero, sartu hemen.