Astelehenean, ume eta gaztetxoentzako saioa estreinatuko du ETB1ek. Goizeko iratzargailua izango da; izan ere, Euskal Herriko neska eta mutil guztiak euskaraz, mimoz eta umore onez esnaraziko dituen saioa 07:00etatik 09:00etara eskainiko da. Euskal izaera eta ondarea oinarri hartuta, magiaz eta umorez zipriztinduko ditu ETB1eko goizak. Horrez gain, ETB3ko programazioan ere topatuko ditugu saio berri honen edukiak.